اخترالایمان کی نثری نگارشات

Akhtarul Iman Ki Nasri Nigarshat

by Nishat Hasan

اخترالایمان کا شمار اُن شاعروں میں ہوتا ہے جن کی تخلیقات کی وجہ سے ایک پورے تخلیقی عہد کا سر بلند ہوا ہے۔ زندگی کے اس خرابے سے گزرتے ہوئے انسانی ذہن و ضمیر کی جن کائناتوں کا اخترالایمان نے سفر کیا اس کا اظہار شاعری کے علاوہ دوسری صنف میں ممکن نہیں ہوتا۔ لیکن اخترالایمان نے صرف شاعری کو ہی اپنا ذریعۂ اظہار نہیں بنایا بلکہ اپنی نثر سے اردو کے نگار خانہ کو بھی رعنائی و زیبائی عطا کی۔

ان کی نثر کی بہت بڑی خوبی زبان کی برجستگی، بے ساختگی، حقیقت نگاری، سادگی اور لہجہ کا دھیما پن ہے۔ ان کے یہاں کسی طرح کی تصنع اور مصنوعی آمیزش کا شائبہ تک نہیں ہوتا۔ چنانچہ اس مطالعہ کا ماحصل یہ ہے کہ اخترالایمان شاعر کی طرح نثر نگار کی حیثیت سے بھی انفرادی شان کے مالک ہیں۔