ہیئت کا نستعلیق حسن خالد جاوید کے ہر افسانے کا وصف ہے۔ زبان و بیان پر انھیں غیر معمولی قدرت حاصل ہے۔ گھر، گلی، کونے کھدرے اور دل و دماغ کے تاریک کوشوں میں بھی افسانہ نگار کی نگاہِ تخیل پہنچ جاتی ہے۔ اور اس کے پیچھے پیچھے زبان بھی اپنی زنبیل لے کر باریک سے باریک جزیات اور لطیف سے لطیف احساس کو الفاظ کا جامہ پہنانے کے لیے حاضر ہوجاتی ہے۔ افسانے کا ایسا حسن تعمیر میں نے اور کہیں نہیں دیکھا۔

وارث علوی